Como pasar dunha boa idea a un correcto posicionamento de marca?

Background

Sociedad Histórica de Expediciones y Viajes naceu da vontade do seu creador, Tito Vivas, un arqueólogo e exiptólogo, que quería construír unha empresa para realizar “viaxes ao pasado”. Non tanto no sentido de viaxes no tempo, se non de tematizar viaxes a través de acontecementos e personaxes históricas reais. O problema de Sociedad Histórica era que non conseguía traducir esa aposta innovadora en vendas.

Unha axencia diferente, pero unha axencia

Fandom realizou para Sociedad Histórica unha ardua investigación, engadindo unha auditoría de marca, que arroxou uns datos concluíntes sobres os problemas de comunicación da marca. Un dos principais problemas de Sociedad Histórica era que non se presentaba como una axencia de viaxes, incluso dicindo expresamente “non somos unha axencia de viaxes”. As preguntas de moitos potenciais clientes cando se acercaban á marca eran “Entón que é o que facedes?” ou “Pero podo mercar un viaxe?”.aje?”.

Renovación e evocación: YO ESTUVE ALLÍ

Sociedad Histórica lanzouse ao mercado cunha imaxe de época na que os elementos gráficos propios da era victorana completábanse con fotografías do século XIX ou de principios do século XX, cun marcado carácter etnográfico ou, simplemente, nas que primaba máis o seu valor histórico e informativo que o carácter evocador ou suxestivo desas imaxes. Baixo os criterios de Fandom, Sociedad Histórica renovou por completo os seus catálogos e a súa páxina web incorporando fotografías de gran calidade e dun valor paisaxístico que xerase un maior engagement cos seus potenciais consumidores.

E para concentrar toda a esencia da mensaxe nun reclamo poderoso, Fandom propuxo que toda a comunicación da marca Sociedad Histórica xirase arredor do claim “Yo estuve allí”, formulando as viaxes acompñadas sempre dese eslogan.
“Cando Rudyard Kipling escribió El Libro de la Selva. Yo estuve allí”, “cuando Lagreé y Garnier fotografiaron Angkor Wat. Yo estuve allí”, “Cuando Robert Johnson pactó con el diablo. Yo estuve allí”.

O espazo

Como última etapa da renovación da marca Sociedad Histórica, xurdeu a necesidade de contar cun espazo fisico que dotase á imaxe de marca certa solidez para determinados consumidores. Aínda que a actividade principal de Sociedad Histórica debía manterse en internet, dos datos da investigación desprendeuse a necesidade de contar cun local, cun espazo físico, que xerase confianza e tranquilidade nos consumidores máis conservadores e menos acostumados ao comercio electrónico ou simplemente máis remisos a confiar nunha empresa 100% dixital.

Da necesidade fíxose virtude e a sede de Sociedad Histórica deseñouse para convertila nun trampolín da marca, nun espazo que reunise o mellor da súa narrativa e que permitise ademais xerar novos contidos. A decoración inspirouse nos salóns e clubes de cabaleiros londinenses, mesturandoo cun pequeno museo de obxectos e pezas raras reunidas nas viaxes da axencia e tamén unha suxestiva biblioteca de viaxes. Alén de recibir aos clientes, o espazo emprégase para presentacións de libros, conferencias ou pequenas reunións culturais.